hua kitna mushkil wafadar hona

huā kitnā mushkil vafādār honā

ki paḌtā hai us meñ bhī bas ḳhvār honā

achambhe se ḳhālī nahīñ baat ye bhī

diyā jis ne ġham us kā ġham-ḳhvār honā

ajab daur meñ saañs ham le rahe haiñ

ki taklīf detā hai bedār honā

qayāmat se kam to nahīñ mere dil kā

ḳhudā kī qasam tujh se bezār honā

nibhāne kā yaarā nahīñ hai to sun lo

kisī kā tum ab na ai yaar honā

tujhe us kī tāqat kā andāza kab hai

qalam ne bhī sīkhā hai talvār honā

'zohaib' is liye kaam kartā huuñ har pal

farāġhat kā matlab hai be-kār honā

hua kitna mushkil wafadar hona

ki paDta hai us mein bhi bas KHwar hona

achambhe se KHali nahin baat ye bhi

diya jis ne gham us ka gham-KHwar hona

ajab daur mein sans hum le rahe hain

ki taklif deta hai bedar hona

qayamat se kam to nahin mere dil ka

KHuda ki qasam tujh se bezar hona

nibhane ka yara nahin hai to sun lo

kisi ka tum ab na ai yar hona

tujhe us ki taqat ka andaza kab hai

qalam ne bhi sikha hai talwar hona

'zohaib' is liye kaam karta hun har pal

faraghat ka matlab hai be-kar hona