hua kuchh yun ki pachhtae bahut hain

huā kuchh yuuñ ki pachhtā.e bahut haiñ

tumheñ sochā sharmā.e bahut haiñ

jise phūloñ ke tohfe ham ne bheje

usī ne sañg barsā.e bahut haiñ

jo sach pūchho to ab ke yuuñ huā hai

tere ġham se bhī uktā.e bahut haiñ

chubhe paañv meñ kāñTe yaad aayā

ki ham ne pel Thukrā.e bahut haiñ

aur ab to ġham chhupānā aa gayā hai

ki aañsū pī ke muskā.e bahut haiñ

musalsal kar liyā patjhaḌ ko mehmāñ

ye mausam dil ko raas aa.e bahut haiñ

ye aañsū bhī navāzish haiñ usī kī

karam bhī jis ne farmā.e bahut haiñ

merī chāhat bhī sikkoñ meñ tulī hai

tahī-dāman the sharmā.e bahut haiñ

hua kuchh yun ki pachhtae bahut hain

tumhein socha sharmae bahut hain

jise phulon ke tohfe hum ne bheje

usi ne sang barsae bahut hain

jo sach puchho to ab ke yun hua hai

tere gham se bhi uktae bahut hain

chubhe panw mein kanTe yaad aaya

ki hum ne pel Thukrae bahut hain

aur ab to gham chhupana aa gaya hai

ki aansu pi ke muskae bahut hain

musalsal kar liya patjhaD ko mehman

ye mausam dil ko ras aae bahut hain

ye aansu bhi nawazish hain usi ki

karam bhi jis ne farmae bahut hain

meri chahat bhi sikkon mein tuli hai

tahi-daman the sharmae bahut hain