hui har aankh Khaali aansuon se

huī har aañkh ḳhālī āñsuoñ se

hue mānūs aise hādsoñ se

mujhe tauhīd raas aane lagī hai

nahīñ ab rābta koī butoñ se

qafas meñ zindagī mahsūs karnā

koī sīkhe zarā in tā.eroñ se

jinheñ manzil ne dhutkārā thā pahle

vo ab kī baar lauTe rāstoñ se

koī nashsha nahīñ in pāniyoñ meñ

khulā ye raaz āḳhir mai-kashoñ se

ḳhushī se sah rahe haiñ terī ḳhātir

vagarna jaan jaatī thī ġhamoñ se

kahānī-kār kī marzī hai 'tasnīm'

parinda jā.egā kab tak paroñ se

hui har aankh KHali aansuon se

hue manus aise hadson se

mujhe tauhid ras aane lagi hai

nahin ab rabta koi buton se

qafas mein zindagi mahsus karna

koi sikhe zara in taeron se

jinhen manzil ne dhutkara tha pahle

wo ab ki bar lauTe raston se

koi nashsha nahin in paniyon mein

khula ye raaz aaKHir mai-kashon se

KHushi se sah rahe hain teri KHatir

wagarna jaan jati thi ghamon se

kahani-kar ki marzi hai 'tasnim'

parinda jaega kab tak paron se