hukm qudrat ne jab aalam-gari ka likkha

hukm qudrat ne jab ālām-garī kā likkhā

qismat-e-ishq meñ ġham be-asarī kā likkhā

āḳhirash chāk-e-garebāñ nazar aayā ḳhud bhī

haal jis ne bhī mirī jāma-darī kā likkhā

paḌhte hī nāma-e-pur-shauq mirā us ne kahā

ye to hai ālam-e-āshufta-sarī kā likkhā

varaq-e-dil pe mire ishq ne afsos ke saath

hādisa terī pashemāñ-nazarī kā likkhā

jis ne tārīḳh-e-gulistān-e-mohabbat likkhī

pahle qissa mirī be-bāl-o-parī kā likkhā

apnī qudrat kā jab iz.hār kiyā sān.e.a ne

raaz ā.īne pe ā.īna-garī kā likkhā

juz mire paḌh na sakā koī gulistāñ meñ 'jalīl'

varaq-e-gul pe nasīm-e-saharī kā likkhā

hukm qudrat ne jab aalam-gari ka likkha

qismat-e-ishq mein gham be-asari ka likkha

aaKHirash chaak-e-gareban nazar aaya KHud bhi

haal jis ne bhi meri jama-dari ka likkha

paDhte hi nama-e-pur-shauq mera us ne kaha

ye to hai aalam-e-ashufta-sari ka likkha

waraq-e-dil pe mere ishq ne afsos ke sath

hadisa teri pasheman-nazari ka likkha

jis ne tariKH-e-gulistan-e-mohabbat likkhi

pahle qissa meri be-baal-o-pari ka likkha

apni qudrat ka jab izhaar kiya sanea ne

raaz aaine pe aaina-gari ka likkha

juz mere paDh na saka koi gulistan mein 'jalil'

waraq-e-gul pe nasim-e-sahari ka likkha