husn-e-ālam-soz nā-mahdūd honā chāhiye
har tajallī āftāb-ālūd honā chāhiye
husn-e-niyyat hai dalīl-e-husn anjām-e-amal
sa.ī meñ bhī jalva-e-maqsūd honā chāhiye
ek hī jalva hai jab hañgāma-ārā-e-shuhūd
phir vahī shāhid vahī mash.hūd honā chāhiye
husn-e-ālam-soz kā faiz-e-tajallī aam hai
ek ik zarra yahāñ masjūd honā chāhiye
shāna-o-ā.īna kyā ai zulf-e-mushkīn-e-ayāz
terī zīnat ko dil-e-mahmūd honā chāhiye
be-niyāzī ab ḳhatā-kāroñ kī himmat baḌh ga.ī
bāb-e-tauba kuchh dinoñ masdūd honā chāhiye
kāvish-e-mizhgān kā paiham taqāzā hai 'azīz'
har-nafas ko tere ḳhūn-ālūd honā chāhiye
husn-e-alam-soz na-mahdud hona chahiye
har tajalli aaftab-alud hona chahiye
husn-e-niyyat hai dalil-e-husn anjam-e-amal
sai mein bhi jalwa-e-maqsud hona chahiye
ek hi jalwa hai jab hangama-ara-e-shuhud
phir wahi shahid wahi mashhud hona chahiye
husn-e-alam-soz ka faiz-e-tajalli aam hai
ek ek zarra yahan masjud hona chahiye
shana-o-aina kya ai zulf-e-mushkin-e-ayaz
teri zinat ko dil-e-mahmud hona chahiye
be-niyazi ab KHata-karon ki himmat baDh gai
bab-e-tauba kuchh dinon masdud hona chahiye
kawish-e-mizhgan ka paiham taqaza hai 'aziz'
har-nafas ko tere KHun-alud hona chahiye
Source:
Anjum Kada (Pg. 128)
-
Author:
Mirza Mohammad Hadi Aziz Lakhnavi
-
- Edition: 1956
- Publisher: Anjuman Taraqqi Urdu (Hind), Aligarh
- Year of Publication: 1956
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.