Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

husn-e-azal ne pahle hamein jalwa-gar kiya

Rifat-al-Qasmi

husn-e-azal ne pahle hamein jalwa-gar kiya

Rifat-al-Qasmi

MORE BYRifat-al-Qasmi

    husn-e-azal ne pahle hameñ jalva-gar kiyā

    duniyā-e-hast-o-būd se phir be-ḳhabar kiyā

    us be-niyāz-e-ishq ne āshufta-sar kiyā

    dair-o-haram sajā.e pareshāñ-nazar kiyā

    āsūdgān-e-ḳhāk ko phir dar-ba-dar kiyā

    zauq-e-numūd-e-sub.h meñ barg-o-shajar kiyā

    tā-umr apnī zaat ke andar basar kiyā

    is kā.enāt-e-shauq ko ham ne bhī sar kiyā

    dam bhar ruke the sāya-e-mizhgān-e-yār meñ

    us ḳhānumāñ-ḳharāb ne bhī dil meñ ghar kiyā

    ham ko shu.ūr-e-sabr-o-razā se navāz kar

    ġham-āshnā-e-lazzat-e-dard-e-jigar kiyā

    ahl-e-junūñ ne dasht-navardī raah meñ

    āvārgān-e-ishq ko bhī ham-safar kiyā

    tujh ko ham se vasl mohlat nahīñ milī

    ham ne to intizār tirā umr bhar kiyā

    partav hai terī zaat har lamha-e-vajūd

    ham ne ye faisla tirī āyāt par kiyā

    lo bārgāh-e-dard meñ rakh kar matā-e-dil

    'rif.at' ne is jahān se aage safar kiyā

    husn-e-azal ne pahle hamein jalwa-gar kiya

    duniya-e-hast-o-bud se phir be-KHabar kiya

    us be-niyaz-e-ishq ne aashufta-sar kiya

    dair-o-haram sajae pareshan-nazar kiya

    aasudgan-e-KHak ko phir dar-ba-dar kiya

    zauq-e-numud-e-subh mein barg-o-shajar kiya

    ta-umr apni zat ke andar basar kiya

    is kaenat-e-shauq ko hum ne bhi sar kiya

    dam bhar ruke the saya-e-mizhgan-e-yar mein

    us KHanuman-KHarab ne bhi dil mein ghar kiya

    hum ko shuur-e-sabr-o-raza se nawaz kar

    gham-ashna-e-lazzat-e-dard-e-jigar kiya

    ahl-e-junun ne dasht-nawardi ki rah mein

    aawargan-e-ishq ko bhi ham-safar kiya

    tujh ko hi hum se wasl ki mohlat nahin mili

    hum ne to intizar tera umr bhar kiya

    partaw hai teri zat ka har lamha-e-wajud

    hum ne ye faisla teri aayat par kiya

    lo bargah-e-dard mein rakh kar mata-e-dil

    'rifat' ne is jahan se aage safar kiya

    Videos
    This video is playing from YouTube

    Videos
    This video is playing from YouTube

    Rifat-al-Qasmi

    Rifat-al-Qasmi

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now