husn-e-jaanan nazar nahin aata
husn-e-jānāñ nazar nahīñ aatā
aah meñ kuchh asar nahīñ aatā
sho.ala-e-ġham nazar nahīñ aatā
ab koī bhī idhar nahīñ aatā
dil shab-e-ġham se ho gayā mānūs
ab ḳhayāl-e-sahar nahīñ aatā
ishq ehsān se ibārat hai
ishq-e-nādāñ nazar nahīñ aatā
hosh-mandoñ kī is ḳhudā.ī meñ
koī dīvāna-gar nahīñ aatā
kab se haiñ farsh-e-rāh dīda-o-dil
aane vaalā magar nahīñ aatā
jab se tum ne nigāh pherī hai
koī apnā nazar nahīñ aatā
jab se 'maikash' bahār aa.ī hai
dāman-e-dil nazar nahīñ aatā
husn-e-jaanan nazar nahin aata
aah mein kuchh asar nahin aata
shoala-e-gham nazar nahin aata
ab koi bhi idhar nahin aata
dil shab-e-gham se ho gaya manus
ab KHayal-e-sahar nahin aata
ishq ehsan se ibarat hai
ishq-e-nadan nazar nahin aata
hosh-mandon ki is KHudai mein
koi diwana-gar nahin aata
kab se hain farsh-e-rah dida-o-dil
aane wala magar nahin aata
jab se tum ne nigah pheri hai
koi apna nazar nahin aata
jab se 'maikash' bahaar aai hai
daman-e-dil nazar nahin aata
- Book : KHuli kitab (Pg. 60)
- Author : Masuud maikash muradabadi
- Publication : Adbi Miaar Publications (1981)
- Edition : 1981
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
