husn-e-jaanan tha baam par tanha

husn-e-jānāñ thā baam par tanhā

saare 'ālam ko lauT kar tanhā

zindagī ke qimār-ḳhāne meñ

ḳhud ko paayā hai kis qadar tanhā

saath sayyāre chal nahīñ paa.e

zer-e-gardūñ rahā qamar tanhā

sham' bhī saath us ke jaltī hai

jo sulagtā hai raat bhar tanhā

koī armāñ nahīñ rahā baaqī

tirī yādoñ kā hai asar tanhā

kab kisī shai kī aarzū kī hai

tujh pe shaidā rahī nazar tanhā

bejā ḳhvāhish kā murtakib ho kar

ziist meñ bas rahā bashar tanhā

itnā sīkhā hai chāñd tāroñ se

saath rah kar kareñ safar tanhā

har taraf aa.ine meñ maiñ hī thā

'umr guzrī hai is qadar tanhā

'shād' is zindagī kā bas tujh ko

bojh Dhonā hai 'umr bhar tanhā

husn-e-jaanan tha baam par tanha

sare 'alam ko lauT kar tanha

zindagi ke qimar-KHane mein

KHud ko paya hai kis qadar tanha

sath sayyare chal nahin pae

zer-e-gardun raha qamar tanha

sham' bhi sath us ke jalti hai

jo sulagta hai raat bhar tanha

koi arman nahin raha baqi

teri yaadon ka hai asar tanha

kab kisi shai ki aarzu ki hai

tujh pe shaida rahi nazar tanha

beja KHwahish ka murtakib ho kar

zist mein bas raha bashar tanha

itna sikha hai chand taron se

sath rah kar karen safar tanha

har taraf aaine mein main hi tha

'umr guzri hai is qadar tanha

'shad' is zindagi ka bas tujh ko

bojh Dhona hai 'umr bhar tanha