husn-e-sad-rañg se firdaus ba-dāmāñ niklā
ham ne jis phuul ko dekhā vo gulistāñ niklā
ho ga.e dād-talab aur balāoñ meñ asiir
hashr ik silsila-e-zulf-e-pareshāñ niklā
aur kyā shai hai ye me'rāj-e-mohabbat ke sivā
aarzū aap kī ho kar mirā armāñ niklā
ḳhaak meñ gardish-e-daurāñ ne milāyā mujh ko
aur is par bhī maiñ sar-halqa-e-daurāñ niklā
uf re ye jazba-e-ḳhuddār 'munavvar' kī numūd
ik 'ajab shaan kā shā'ir ye suḳhan-dāñ niklā
husn-e-sad-rang se firdaus ba-daman nikla
hum ne jis phul ko dekha wo gulistan nikla
ho gae dad-talab aur balaon mein asir
hashr ek silsila-e-zulf-e-pareshan nikla
aur kya shai hai ye me'raj-e-mohabbat ke siwa
aarzu aap ki ho kar mera arman nikla
KHak mein gardish-e-dauran ne milaya mujh ko
aur is par bhi main sar-halqa-e-dauran nikla
uf re ye jazba-e-KHuddar 'munawwar' ki numud
ek 'ajab shan ka sha'ir ye suKHan-dan nikla
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.