husn-e-shiar mein mujhe Dhalne nahin diya

Tahir Adeem

husn-e-shiar mein mujhe Dhalne nahin diya

Tahir Adeem

MORE BYTahir Adeem

    husn-e-shi.ār meñ mujhe Dhalne nahīñ diyā

    us ne kisī bhī gaam sañbhalne nahīñ diyā

    haa.il rah-e-hayāt meñ hassāsiyat rahī

    is dil ne do qadam mujhe chalne nahīñ diyā

    rakkhā ba-sad ḳhulūs rag-o-pai meñ mustaqil

    lamha koī bhī dard Talne nahīñ diyā

    kuchh vo bhī chāhtā thā yahāñ mustaqil qayām

    maiñ ne bhī us ko dil se nikalne nahīñ diyā

    mahfil ko jo diyā tire andāz-e-dād ne

    aisā maza to merī ġhazal ne nahīñ diyā

    ik baar e'tirāf-e-mohabbat pe umr bhar

    ham ne use bayān badalne nahīñ diyā

    dariyā hazār dil meñ bipharte rahe magar

    āñkhoñ meñ koī ashk machalne nahīñ diyā

    'tāhir-adīm' apnā diyā kyā jalā.egā

    jis ne mirā charāġh bhī jalne nahīñ diyā

    husn-e-shiar mein mujhe Dhalne nahin diya

    us ne kisi bhi gam sanbhalne nahin diya

    hail rah-e-hayat mein hassasiyat rahi

    is dil ne do qadam mujhe chalne nahin diya

    rakkha ba-sad KHulus rag-o-pai mein mustaqil

    lamha koi bhi dard ka Talne nahin diya

    kuchh wo bhi chahta tha yahan mustaqil qayam

    main ne bhi us ko dil se nikalne nahin diya

    mahfil ko jo diya tere andaz-e-dad ne

    aisa maza to meri ghazal ne nahin diya

    ek bar e'tiraf-e-mohabbat pe umr bhar

    hum ne use bayan badalne nahin diya

    dariya hazar dil mein bipharte rahe magar

    aankhon mein koi ashk machalne nahin diya

    'tahir-adim' apna diya kya jalaega

    jis ne mera charagh bhi jalne nahin diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now