husn-e-tadbir bhi tha KHubi-e-taqdir bhi tha

husn-e-tadbīr bhī thā ḳhūbī-e-taqdīr bhī thā

tū ne dekhā hī nahīñ maiñ tirī tasvīr bhī thā

umr-bhar ahl-e-mohabbat ko pata hī na chalā

vaqt us zaḳhm-e-jigar ke liye zanjīr bhī thā

kyā huā ashk ki jo zīnat-e-mizhgāñ ho kar

hāsil-e-dard bhī thā dard kī tafsīr bhī thā

thī zabāñ band tirī bazm meñ lekin kuchh yuuñ

dil dhaḌaktā thā ki ik ālam-e-taqrīr bhī thā

fikr farmāte jo arbāb-e-hunar ai 'nashtar'

aap ke daur meñ 'ġhālib' hī nahīñ 'mīr' bhī thā

husn-e-tadbir bhi tha KHubi-e-taqdir bhi tha

tu ne dekha hi nahin main teri taswir bhi tha

umr-bhar ahl-e-mohabbat ko pata hi na chala

waqt us zaKHm-e-jigar ke liye zanjir bhi tha

kya hua ashk ki jo zinat-e-mizhgan ho kar

hasil-e-dard bhi tha dard ki tafsir bhi tha

thi zaban band teri bazm mein lekin kuchh yun

dil dhaDakta tha ki ek aalam-e-taqrir bhi tha

fikr farmate jo arbab-e-hunar ai 'nashtar'

aap ke daur mein 'ghaalib' hi nahin 'mir' bhi tha