husn-e-tamasha dost chhupe kyon hijab mein

husn-e-tamāshā dost chhupe kyoñ hijāb meñ

sau jalve rūnumā haiñ kisī ke naqāb meñ

ai kaif-e-be-ḳhudī mujhe le jā usī jagah

haiñ sar-ba-sajda saiñkaḌoñ jis kī janāb meñ

ai dard Thahr Thahr mirī justujū ko dekh

maiñ un ko dekhtā huuñ hazāroñ naqāb meñ

har maut kā hai rāz-e-nihāñ zindagī davām

har zindagī bahār hai ḳhāna-ḳharāb meñ

ban ban ke hai bigaḌne meñ ik shān-e-dilbarī

ik taaza zindagī hai har ik inqalāb meñ

mar mar ke ham ne martaba hāsil kiyā hai ye

rang-e-shabāb laayā hai bachpan hijāb meñ

dariyā meñ aaj kis kā safīna huā tabāh

kyoñ DabDabā.e ashk ye chashm-e-habāb meñ

ai jazb-e-shauq Thahr na baḌh tū hudūd se

rāz-e-nihāñ ayaañ na ho chashm-e-pur-āb meñ

'sayyad' ye ishq aur hasīnoñ kī mahfileñ

sab ḳhvāb hai jo dekh rahe ho shabāb meñ

husn-e-tamasha dost chhupe kyon hijab mein

sau jalwe runuma hain kisi ke naqab mein

ai kaif-e-be-KHudi mujhe le ja usi jagah

hain sar-ba-sajda sainkaDon jis ki janab mein

ai dard Thahr Thahr meri justuju ko dekh

main un ko dekhta hun hazaron naqab mein

har maut ka hai raaz-e-nihan zindagi dawam

har zindagi bahaar hai KHana-KHarab mein

ban ban ke hai bigaDne mein ek shan-e-dilbari

ek taza zindagi hai har ek inqalab mein

mar mar ke hum ne martaba hasil kiya hai ye

rang-e-shabab laya hai bachpan hijab mein

dariya mein aaj kis ka safina hua tabah

kyon DabDabae ashk ye chashm-e-habab mein

ai jazb-e-shauq Thahr na baDh tu hudud se

raaz-e-nihan ayan na ho chashm-e-pur-ab mein

'sayyad' ye ishq aur hasinon ki mahfilen

sab KHwab hai jo dekh rahe ho shabab mein