husn hai dad-talab shikwa-e-bedad na kar

husn hai dād-talab shikva-e-bedād na kar

ishq kī fat.h isī meñ hai ki fariyād na kar

hai agar himmat-e-parvāz to ai murġh-e-asīr

tā.er-e-rūh ko minnat-kash-e-sayyād na kar

tishna-e-lazzat-e-ġham hai dil-e-pur-dard hunūz

tū abhī tark-e-sitam ai sitam-ījād na kar

ham-nashīñ apne muqaddar kī shikāyat karke

merī ra.anā.ī-e-afkār ko barbād na kar

tujh ko sayyād mire zauq-e-asīrī kī qasam

chhoḌ de ham-qafasoñ ko mujhe āzād na kar

vo na aa.e haiñ na ā.eñge palaT kar 'maikash'

aise guzre hue lamhāt ko ab yaad na kar

husn hai dad-talab shikwa-e-bedad na kar

ishq ki fath isi mein hai ki fariyaad na kar

hai agar himmat-e-parwaz to ai murgh-e-asir

taer-e-ruh ko minnat-kash-e-sayyaad na kar

tishna-e-lazzat-e-gham hai dil-e-pur-dard hunuz

tu abhi tark-e-sitam ai sitam-ijad na kar

ham-nashin apne muqaddar ki shikayat karke

meri ranai-e-afkar ko barbaad na kar

tujh ko sayyaad mere zauq-e-asiri ki qasam

chhoD de ham-qafason ko mujhe aazad na kar

wo na aae hain na aaenge palaT kar 'maikash'

aise guzre hue lamhat ko ab yaad na kar