husn hi ke dam se hain ye kahaniyan sari
husn hi ke dam se hain ye kahaniyan sari
Akbar Ali Khan Arshi Zadah
MORE BYAkbar Ali Khan Arshi Zadah
husn hī ke dam se haiñ ye kahāniyāñ saarī
ishq hī sikhātā hai ḳhush-bayāniyāñ saarī
ḳhvāb aur ḳhushbū ko chāhatoñ ke jaadū ko
qaid kar ke dikhlā.eñ pāsbāniyāñ saarī
dil kī dhaḌkanoñ par hai inhisār-e-afsāna
ek sī nahīñ hotīñ naujavāniyāñ saarī
ik tabassum-e-pinhāñ ik nigāh-e-duzdīda
aur phir kahānī thiiñ sar-girāniyāñ saarī
yaad ban ke pahlū meñ mausamoñ ke bistar par
karvaTeñ badaltī haiñ mehrbāniyāñ saarī
kyā ginā.eñ ab tum ko haañ sajā ke rakkhī haiñ
ham ne goshe goshe meñ vo nishāniyāñ saarī
husn hi ke dam se hain ye kahaniyan sari
ishq hi sikhata hai KHush-bayaniyan sari
KHwab aur KHushbu ko chahaton ke jadu ko
qaid kar ke dikhlaen pasbaniyan sari
dil ki dhaDkanon par hai inhisar-e-afsana
ek si nahin hotin naujawaniyan sari
ek tabassum-e-pinhan ek nigah-e-duzdida
aur phir kahani thin sar-giraniyan sari
yaad ban ke pahlu mein mausamon ke bistar par
karwaTen badalti hain mehrbaniyan sari
kya ginaen ab tum ko han saja ke rakkhi hain
hum ne goshe goshe mein wo nishaniyan sari
Source:
Sukhan Mere Tumhare Darmiyan (Pg. B-137 E-157)
- Author: Akbar Ali Khan Arshi Zadah
-
- Edition: 1938
- Publisher: Rifat Jahan Begam
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
