husn ki sar-phiri purwai se Dar lagta hai

husn kī sar-phirī purvā.ī se Dar lagtā hai

ik javāñ peḌ huuñ tanhā.ī se Dar lagtā hai

ghar kī taqsīm vasiyyat ke mutābiq hogī

phir bhī kyoñ mujh ko sage bhaa.ī se Dar lagtā hai

toḌ de jo mujhe sūkhī huī lakḌī kī tarah

aise jazbāt kī añgḌā.ī se Dar lagtā hai

is qadar jhuuT musallat hai abhī duniyā par

aaj har shaḳhs ko sachchā.ī se Dar lagtā hai

kuchh chaTānoñ ne sañbhālā hai pahāḌoñ kā vaqār

kuchh chaTānoñ ko magar raa.ī se Dar lagtā hai

dād-o-tahsīn burī chiiz nahīñ hai 'merāj'

bas mujhe hāshiya-ārā.ī se Dar lagtā hai

husn ki sar-phiri purwai se Dar lagta hai

ek jawan peD hun tanhai se Dar lagta hai

ghar ki taqsim wasiyyat ke mutabiq hogi

phir bhi kyon mujh ko sage bhai se Dar lagta hai

toD de jo mujhe sukhi hui lakDi ki tarah

aise jazbaat ki angDai se Dar lagta hai

is qadar jhuT musallat hai abhi duniya par

aaj har shaKHs ko sachchai se Dar lagta hai

kuchh chaTanon ne sanbhaala hai pahaDon ka waqar

kuchh chaTanon ko magar rai se Dar lagta hai

dad-o-tahsin buri chiz nahin hai 'meraj'

bas mujhe hashiya-arai se Dar lagta hai