husn ko dil mein chhupa kar dekho
husn ko dil meñ chhupā kar dekho
dhyān kī sham.a jalā kar dekho
kyā ḳhabar koī dafīna mil jaa.e
koī dīvār girā kar dekho
fāḳhta chup hai baḌī der se kyuuñ
sarv kī shāḳh hilā kar dekho
kyuuñ chaman chhoḌ diyā ḳhushbū ne
phuul ke paas to jā kar dekho
nahr kyuuñ so ga.ī chalte chalte
koī patthar hī girā kar dekho
dil meñ betāb haiñ kyā kyā manzar
kabhī is shahr meñ aa kar dekho
in añdheroñ meñ kiran hai koī
shab-e-zūd aañkh uThā kar dekho
husn ko dil mein chhupa kar dekho
dhyan ki shama jala kar dekho
kya KHabar koi dafina mil jae
koi diwar gira kar dekho
faKHta chup hai baDi der se kyun
sarw ki shaKH hila kar dekho
kyun chaman chhoD diya KHushbu ne
phul ke pas to ja kar dekho
nahr kyun so gai chalte chalte
koi patthar hi gira kar dekho
dil mein betab hain kya kya manzar
kabhi is shahr mein aa kar dekho
in andheron mein kiran hai koi
shab-e-zud aankh uTha kar dekho
Source:
Kulliyaat-e-Nasir Kazmi (Pg. 151)
- Author: Nasir Kazmi
-
- Edition: 1957
- Publisher: Nasir Kazmi
- Year of Publication: 1957
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
