husn mahrum-e-mohabbat hi raha mere baad

husn mahrūm-e-mohabbat hī rahā mere baad

mujh sā dil-dāda-o-shaidā na milā mere baad

kaun ab ġham kī mudārāt karegā yaaro

kis ke sar jā.egā ilzām-e-vafā mere ba.ad

mahfil-e-nāz meñ kyā kyā na huiiñ tadbīreñ

dil kā shīrāza farāham na huā mere baad

muzhda-e-fasl-e-bahārāñ na sunā gulchīñ ne

ḳhaak uḌātī phirī gulshan meñ sabā mere baad

bujh ga.e mere na hone se charāġhoñ ke nasīb

naqsh-e-pā un ke haiñ mahrūm-e-ziyā mere baa'd

ġham-zada ahl-e-junūñ ahl-e-vafā kuchh to kaho

kis liye dahr meñ kohrām machā mere baad

ḳhushnavāoñ se rahī mahfil-e-duniyā ābād

naġhma-e-‘dard’ kisī ne na sunā mere baa'd

husn mahrum-e-mohabbat hi raha mere baad

mujh sa dil-dada-o-shaida na mila mere baad

kaun ab gham ki mudaraat karega yaro

kis ke sar jaega ilzam-e-wafa mere baad

mahfil-e-naz mein kya kya na huin tadbiren

dil ka shiraaza faraham na hua mere baad

muzhda-e-fasl-e-bahaaran na suna gulchin ne

KHak uDati phiri gulshan mein saba mere baad

bujh gae mere na hone se charaghon ke nasib

naqsh-e-pa un ke hain mahrum-e-ziya mere ba'd

gham-zada ahl-e-junun ahl-e-wafa kuchh to kaho

kis liye dahr mein kohram macha mere baad

KHushnawaon se rahi mahfil-e-duniya aabaad

naghma-e-‘dard’ kisi ne na suna mere ba'd