hun KHatawar koi saza dijiye

huuñ ḳhatāvār koī sazā dījiye

pyaar kā kuchh to mujh ko sila dījiye

bevafā.ī kā ilzām de kar mujhe

yuuñ na mahfil se apnī uThā dījiye

nafrateñ dil meñ rakhne se kyā fā.eda

iḳhtilāfāt-e-bāham miTā dījiye

ham banā.eñge phir ik nayā āshiyāñ

aap toḌeñ ise yā girā dījiye

justujū kījiye ik na.e daur kī

nā-umīdī ko dil se miTā dījiye

āshiyāñ phir banāyā hai ham ne falak

shauq se aap bijlī girā dījiye

shaad rahtā hai 'nayyar' to a hāsīdo

aag ḳhushiyoñ meñ us kī lagā dījiye

hun KHatawar koi saza dijiye

pyar ka kuchh to mujh ko sila dijiye

bewafai ka ilzam de kar mujhe

yun na mahfil se apni uTha dijiye

nafraten dil mein rakhne se kya faeda

iKHtilafat-e-baham miTa dijiye

hum banaenge phir ek naya aashiyan

aap toDen ise ya gira dijiye

justuju kijiye ek nae daur ki

na-umidi ko dil se miTa dijiye

aashiyan phir banaya hai hum ne falak

shauq se aap bijli gira dijiye

shad rahta hai 'nayyar' to a hasido

aag KHushiyon mein us ki laga dijiye