huzur-e-yar bhi aazurdagi nahin jati

Wamiq Jaunpuri

huzur-e-yar bhi aazurdagi nahin jati

Wamiq Jaunpuri

MORE BYWamiq Jaunpuri

    huzūr-e-yār bhī āzurdagī nahīñ jaatī

    ki ham se itnī bhī duurī sahī nahīñ jaatī

    ḳhud apne sar ye balā kaun mol letā hai

    mohabbat aap se hotī hai nahīñ jaatī

    lahū jalātī hai ḳhāmoshiyoñ meñ paltī hai

    hikāyat-e-dil-e-sozāñ kahī nahīñ jaatī

    ham is ko kyā kareñ tum ko hai nā-pasand magar

    zabān-e-hāl se barjastagī nahīñ jaatī

    milā de ḳhaak meñ ham ko hazār gardish-e-charḳh

    magar bagūloñ se āvārgī nahīñ jaatī

    chaman vo ho ki bayābāñ bahār ho ki ḳhizāñ

    junūñ fitrat-e-jāma-varī nahīñ jaatī

    agar ġhubār ho dil meñ agar ho tañg-nazar

    to mehr o maah se bhī tīrgī nahīñ jaatī

    mahaktī rahtī hai ġhurbat meñ bhī sharāfat-e-nafs

    gul-e-fasurda se ḳhushbū kabhī nahīñ jaatī

    charāġh din meñ dhuāñ dhuāñ lagtā hai

    sharāb raat shai din ko nahīñ jaatī

    agar yaqīn nahīñ hai najābat-e-mai par

    to laakh piite raho tishnagī nahīñ jaatī

    shu.ūr-e-husn muzmir hijāb meñ 'vāmiq'

    barhana chehroñ se be-chehragī nahīñ jaatī

    huzur-e-yar bhi aazurdagi nahin jati

    ki hum se itni bhi duri sahi nahin jati

    KHud apne sar ye bala kaun mol leta hai

    mohabbat aap se hoti hai ki nahin jati

    lahu jalati hai KHamoshiyon mein palti hai

    hikayat-e-dil-e-sozan kahi nahin jati

    hum is ko kya karen tum ko hai na-pasand magar

    zaban-e-haal se barjastagi nahin jati

    mila de KHak mein hum ko hazar gardish-e-charKH

    magar bagulon se aawargi nahin jati

    chaman wo ho ki bayaban bahaar ho ki KHizan

    junun ki fitrat-e-jama-wari nahin jati

    agar ghubar ho dil mein agar ho tang-nazar

    to mehr o mah se bhi tirgi nahin jati

    mahakti rahti hai ghurbat mein bhi sharafat-e-nafs

    gul-e-fasurda se KHushbu kabhi nahin jati

    charagh din mein dhuan hi dhuan sa lagta hai

    sharab raat ki shai din ko pi nahin jati

    agar yaqin nahin hai najabat-e-mai par

    to lakh pite raho tishnagi nahin jati

    shuur-e-husn muzmir hijab mein 'wamiq'

    barhana chehron se be-chehragi nahin jati

    RECITATIONS

    Khalid Mubashshir

    Khalid Mubashshir

    Khalid Mubashshir

    huzur-e-yar bhi aazurdagi nahin jati Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY