ibn-e-adam teri tauqir mein rakkha gaya hun

ibn-e-ādam tirī tauqīr meñ rakkhā gayā huuñ

huuñ vahī zaḳhm jo shamshīr meñ rakkhā gayā huuñ

merā kirdār ayaañ honā hai duniyā pe abhī

maiñ abhī ḳhvāb huuñ ta.abīr meñ rakkhā gayā huuñ

merī vahshat se zamāne ko baḌā ḳhatra hai

is liye qaid meñ zanjīr meñ rakkhā gayā huuñ

tujh se sharminda huuñ tū ne hai bahut jhelā mujhe

ġham kī sūrat tirī taqdīr meñ rakkhā gayā huuñ

ḳhatm honī hai mohabbat kī risālat mujh par

maiñ ki taqdīm huuñ tāḳhīr meñ rakkhā gayā huuñ

chashm-e-mādar hai koī girya-kunāñ mere liye

vo galā huuñ jo kisī tiir meñ rakkhā gayā huuñ

ibn-e-adam teri tauqir mein rakkha gaya hun

hun wahi zaKHm jo shamshir mein rakkha gaya hun

mera kirdar ayan hona hai duniya pe abhi

main abhi KHwab hun tabir mein rakkha gaya hun

meri wahshat se zamane ko baDa KHatra hai

is liye qaid mein zanjir mein rakkha gaya hun

tujh se sharminda hun tu ne hai bahut jhela mujhe

gham ki surat teri taqdir mein rakkha gaya hun

KHatm honi hai mohabbat ki risalat mujh par

main ki taqdim hun taKHir mein rakkha gaya hun

chashm-e-madar hai koi girya-kunan mere liye

wo gala hun jo kisi tir mein rakkha gaya hun