aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

idhar dekh lena udhar dekh lena

Dagh Dehlvi

idhar dekh lena udhar dekh lena

Dagh Dehlvi

MORE BYDagh Dehlvi

    idhar dekh lenā udhar dekh lenā

    kan-añkhiyoñ se us ko magar dekh lenā

    faqat nabz se haal zāhir na hogā

    mirā dil bhī ai chāra-gar dekh lenā

    kabhī zikr-e-dīdār aayā to bole

    qayāmat se bhī pesh-tar dekh lenā

    na denā ḳhat-e-shauq ghabrā ke pahle

    mahal mauqa ai nāma-bar dekh lenā

    kahīñ aise bigḌe sañvarte bhī dekhe

    na ā.eñge vo raah par dekh lenā

    taġhāful meñ shoḳhī nirālī adā thī

    ġhazab thā vo muñh pher kar dekh lenā

    shab-e-va.ada apnā yahī mashġhala thā

    uThā kar nazar sū-e-dar dekh lenā

    bulāyā jo ġhairoñ ko dāvat meñ tum ne

    mujhe pesh-tar apne ghar dekh lenā

    mohabbat ke bāzār meñ aur kyā hai

    koī dil dikhā.e agar dekh lenā

    mire sāmne ġhair se bhī ishāre

    idhar bhī udhar dekh kar dekh lenā

    na ho nāzuk itnā bhī mashshāta koī

    dahan dekh lenā kamar dekh lenā

    nahīñ rakhne dete jahāñ paañv ham ko

    usī āstāne pe sar dekh lenā

    tamāshā-e-ālam fursat hai kis ko

    ġhanīmat hai bas ik nazar dekh lenā

    diye jaate haiñ aaj kuchh likh ke tum ko

    use vaqt-e-fursat magar dekh lenā

    hamīñ jaan deñge hamīñ mar miTeñge

    hameñ tum kisī vaqt par dekh lenā

    jalāyā to hai 'dāġh' ke dil ko tum ne

    magar is hogā asar dekh lenā

    idhar dekh lena udhar dekh lena

    kan-ankhiyon se us ko magar dekh lena

    faqat nabz se haal zahir na hoga

    mera dil bhi ai chaara-gar dekh lena

    kabhi zikr-e-didar aaya to bole

    qayamat se bhi pesh-tar dekh lena

    na dena KHat-e-shauq ghabra ke pahle

    mahal mauqa ai nama-bar dekh lena

    kahin aise bigDe sanwarte bhi dekhe

    na aaenge wo rah par dekh lena

    taghaful mein shoKHi nirali ada thi

    ghazab tha wo munh pher kar dekh lena

    shab-e-wada apna yahi mashghala tha

    uTha kar nazar su-e-dar dekh lena

    bulaya jo ghairon ko dawat mein tum ne

    mujhe pesh-tar apne ghar dekh lena

    mohabbat ke bazar mein aur kya hai

    koi dil dikhae agar dekh lena

    mere samne ghair se bhi ishaare

    idhar bhi udhar dekh kar dekh lena

    na ho nazuk itna bhi mashshata koi

    dahan dekh lena kamar dekh lena

    nahin rakhne dete jahan panw hum ko

    usi aastane pe sar dekh lena

    tamasha-e-alam ki fursat hai kis ko

    ghanimat hai bas ek nazar dekh lena

    diye jate hain aaj kuchh likh ke tum ko

    use waqt-e-fursat magar dekh lena

    hamin jaan denge hamin mar miTenge

    hamein tum kisi waqt par dekh lena

    jalaya to hai 'dagh' ke dil ko tum ne

    magar is ka hoga asar dekh lena

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now