idhar hum par bhi roz-o-shab giran hain

idhar ham par bhī roz-o-shab girāñ haiñ

tumhāre saath bhī majbūriyāñ haiñ

nazar aatī nahīñ haiñ kam-nazar ko

sarāboñ ke jigar meñ naddiyāñ haiñ

na samjho rah-zano ham ko akelā

hamāre saath be-sāmāniyāñ haiñ

kabhī ham rahrav-e-rāh-e-vafā the

magar ab sochte haiñ ḳhud kahāñ haiñ

dil-e-tanhā hai ik vīrāñ jazīra

lahū kī har taraf maujeñ ravāñ haiñ

koī kyūñkar hamārā bhed jaane

ki ḳhud hī raaz haiñ ḳhud rāz-dāñ haiñ

na pahuñchegā hameñ dasht-e-tapīda

jo haiñ ātish-ba-pā sho.ala-ba-jāñ haiñ

'shamīm' iz.hār-e-ġham karne se hāsil

yahāñ tum se kise hamdardiyāñ haiñ

idhar hum par bhi roz-o-shab giran hain

tumhaare sath bhi majburiyan hain

nazar aati nahin hain kam-nazar ko

sarabon ke jigar mein naddiyan hain

na samjho rah-zano hum ko akela

hamare sath be-samaniyan hain

kabhi hum rahraw-e-rah-e-wafa the

magar ab sochte hain KHud kahan hain

dil-e-tanha hai ek viran jazira

lahu ki har taraf maujen rawan hain

koi kyunkar hamara bhed jaane

ki KHud hi raaz hain KHud raaz-dan hain

na pahunchega hamein dasht-e-tapida

jo hain aatish-ba-pa shoala-ba-jaan hain

'shamim' izhaar-e-gham karne se hasil

yahan tum se kise hamdardiyan hain