idhar hote hote udhar hote hote
idhar hote hote udhar hote hote
huī dil kī dil ko ḳhabar hote hote
baḌhī chaah donoñ taraf baḌhte baḌhte
mohabbat huī is qadar hote hote
tirā rāsta shaam se takte takte
mirī aas TuuTī sahar hote hote
kiye jā abhī mashq-e-fariyād-e-bulbul
ki hotā hai paidā asar hote hote
na sambhlā mohabbat kā bīmār āḳhir
ga.ī jaan dard-e-jigar hote hote
sar-e-shām hī jab hai ye dil kī hālat
to kyā kyā na hogā sahar hote hote
zamāne meñ un ke suḳhan kā hai shohra
'hafīz' ab hue nāmvar hote hote
idhar hote hote udhar hote hote
hui dil ki dil ko KHabar hote hote
baDhi chah donon taraf baDhte baDhte
mohabbat hui is qadar hote hote
tera rasta sham se takte takte
meri aas TuTi sahar hote hote
kiye ja abhi mashq-e-fariyaad-e-bulbul
ki hota hai paida asar hote hote
na sambhla mohabbat ka bimar aaKHir
gai jaan dard-e-jigar hote hote
sar-e-sham hi jab hai ye dil ki haalat
to kya kya na hoga sahar hote hote
zamane mein un ke suKHan ka hai shohra
'hafiz' ab hue namwar hote hote
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
