idhar udhar na sabhi se muzakaraat kare

idhar udhar na sabhī se muzākarāt kare

jise gila ho koī aa ke ham se baat kare

zarūriyāt kī takmīl sab se pahle hai

phir us ke baa'd koī shaḳhs ḳhvāhishāt kare

ġharīb ‘adl-o-musāvāt chīḳhtā hī rahe

amīr-e-shahr ġharīboñ se zāt-pāt kare

bilā-jhijak vo mukammal sunā de hāl-e-dil

use kaho ki na bejā takallufāt kare

ye zindagī to faqat hādsoñ meñ guzrī hai

bayān kyā koī tafsīl-e-hādsāt kare

'atā ho aisā koī ham-nafas ki jo 'yāsir'

hamāre saath vafā tā-dam-e-hayāt kare

idhar udhar na sabhi se muzakaraat kare

jise gila ho koi aa ke hum se baat kare

zaruriyat ki takmil sab se pahle hai

phir us ke ba'd koi shaKHs KHwahishat kare

gharib ‘adl-o-musawat chiKHta hi rahe

amir-e-shahr gharibon se zat-pat kare

bila-jhijak wo mukammal suna de haal-e-dil

use kaho ki na beja takallufat kare

ye zindagi to faqat hadson mein guzri hai

bayan kya koi tafsil-e-hadsat kare

'ata ho aisa koi ham-nafas ki jo 'yasir'

hamare sath wafa ta-dam-e-hayat kare