ihanat-e-dil-e-sabr-azma nahin karte
ihānat-e-dil-e-sabr-āzmā nahīñ karte
buland ham bhī ye dast-e-duā nahīñ karte
sar ahl-e-ishq ke aksar jhukā nahīñ karte
agar jhuke bhī kahīñ phir uThā nahīñ karte
vo baat un kī nigāheñ batā.e detī haiñ
jise vo apnī zabāñ se adā nahīñ karte
dalīl-e-tābish-e-īmāñ hai kufr kā ehsās
charāġh shaam se pahle jalā nahīñ karte
umiid ahd-e-vafā aur un butoñ se 'shakīl'
jo bhuul kar bhī kisī se vafā nahīñ karte
ihanat-e-dil-e-sabr-azma nahin karte
buland hum bhi ye dast-e-dua nahin karte
sar ahl-e-ishq ke aksar jhuka nahin karte
agar jhuke bhi kahin phir uTha nahin karte
wo baat un ki nigahen batae deti hain
jise wo apni zaban se ada nahin karte
dalil-e-tabish-e-iman hai kufr ka ehsas
charagh sham se pahle jala nahin karte
umid ahd-e-wafa aur un buton se 'shakil'
jo bhul kar bhi kisi se wafa nahin karte
Source:
Kulliyat-e-Shakiil Badaayuuni (Pg. 115)
- Author: Shakiil Badaayuuni
-
- Publisher: Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
