ijad gham hua dil-e-muztar ke waste
ijad gham hua dil-e-muztar ke waste
Munshi Debi Parshad Sahar Badayuni
MORE BYMunshi Debi Parshad Sahar Badayuni
ījād ġham huā dil-e-muztar ke vāste
paidā junūñ huā hai mire sar ke vāste
karte ho fikr ġhāfilo kyā ghar ke vāste
duniyā meñ sab muqīm haiñ dam bhar ke vāste
har shai meñ jo ki dekhte haiñ jalva dost kā
vo log sajda karte haiñ patthar ke vāste
us but ne ek baat na maanī shab-e-visāl
lākhoñ diye ḳhudā o payambar ke vāste
sun kar payām-e-vasl maiñ qāsid se jī uThā
hai mo'jiza zarūr payambar ke vāste
mizhgāñ ko terī ham ne jagah apne dil meñ dī
zebā ye myaan hai isī ḳhanjar ke vāste
likhtā huuñ us parī kī sifat chashm-e-shoḳh kī
tār-e-nigāh-e-hūr ho mistar ke vāste
bālish kī jā hai mujh ko tirā sañg-e-āstāñ
kaafī hai ḳhāk-e-dar mare bistar ke vāste
jaatā huuñ chiin kākul-e-ambar-fishāñ ko maiñ
saudā ḳharīdtā hai mujhe sar ke vāste
jitne the zulm sab vo jafā-kār kar chukā
baaqī rahe na charḳh-e-sitamgar ke vāste
kartā huuñ roz-e-hijr maiñ tadbīreñ dosto
kyā kyā tasallī-e-dil-e-muztar ke vāste
saaqī sharāb-e-ashk hai yaañ jām-e-chashm meñ
ehsān uThā.eñ kyuuñ mai o sāġhar ke vāste
ai 'sehr' qadr-dāñ jo na ho koī she'r kā
to zindagī hai maut suḳhanvar ke vāste
ijad gham hua dil-e-muztar ke waste
paida junun hua hai mere sar ke waste
karte ho fikr ghafilo kya ghar ke waste
duniya mein sab muqim hain dam bhar ke waste
har shai mein jo ki dekhte hain jalwa dost ka
wo log sajda karte hain patthar ke waste
us but ne ek baat na mani shab-e-visal
lakhon diye KHuda o payambar ke waste
sun kar payam-e-wasl main qasid se ji uTha
hai mo'jiza zarur payambar ke waste
mizhgan ko teri hum ne jagah apne dil mein di
zeba ye myan hai isi KHanjar ke waste
likhta hun us pari ki sifat chashm-e-shoKH ki
tar-e-nigah-e-hur ho mistar ke waste
baalish ki ja hai mujh ko tera sang-e-astan
kafi hai KHak-e-dar mare bistar ke waste
jata hun chin kakul-e-ambar-fishan ko main
sauda KHaridta hai mujhe sar ke waste
jitne the zulm sab wo jafa-kar kar chuka
baqi rahe na charKH-e-sitamgar ke waste
karta hun roz-e-hijr main tadbiren dosto
kya kya tasalli-e-dil-e-muztar ke waste
saqi sharab-e-ashk hai yan jam-e-chashm mein
ehsan uThaen kyun mai o saghar ke waste
ai 'sehr' qadr-dan jo na ho koi she'r ka
to zindagi hai maut suKHanwar ke waste
Source:
Deewan-e-Sehar (Pg. 82)
- Author: Munshi Debi Parshad Sahar Badayuni
-
- Publisher: Munshi Naval Kishor, Kanpur
- Year of Publication: 1868
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
