ek aalam-e-hijran hi ab hum ko pasand aaya

ik ālam-e-hijrāñ hī ab ham ko pasand aayā

ye ḳhāna-e-vīrāñ hī ab ham ko pasand aayā

benām-o-nishāñ rahnā ġhurbat ke ilāqe meñ

ye shahr bhī dilkash thā tab ham ko pasand aayā

thā laal huā manzar sūraj ke nikalne se

vo vaqt thā vo chehra jab ham ko pasand aayā

hai qat-e-ta.alluq se dil ḳhush bhī bahut apnā

ik had hī banā lenā kab ham ko pasand aayā

aanā vo 'munīr' us kā be-ḳhauf-o-ḳhatar ham tak

ye turfa tamāshā bhī shab ham ko pasand aayā

ek aalam-e-hijran hi ab hum ko pasand aaya

ye KHana-e-viran hi ab hum ko pasand aaya

benam-o-nishan rahna ghurbat ke ilaqe mein

ye shahr bhi dilkash tha tab hum ko pasand aaya

tha lal hua manzar suraj ke nikalne se

wo waqt tha wo chehra jab hum ko pasand aaya

hai qat-e-talluq se dil KHush bhi bahut apna

ek had hi bana lena kab hum ko pasand aaya

aana wo 'munir' us ka be-KHauf-o-KHatar hum tak

ye turfa tamasha bhi shab hum ko pasand aaya