ek aap ke siwa koi ham-nawa nahin hai

ik aap ke sivā koī ham-navā nahīñ hai

daur-e-jahāñ meñ koī ab aap sā nahīñ hai

chehre pe daaġh haiñ gar saare dikhā.ī deñge

kyā sochā is jahāñ meñ ab aa.ina nahīñ hai

jaanā hai āsmāñ par nekī ko saath rakkho

ki dūsrā yahāñ koī rāsta nahīñ hai

saaqī mujhe faqat ab terā hī aasrā hai

maiñ rind huuñ mirā ab koī sagā nahīñ hai

us ko jahāñ se chāhat kaise milegī bolo

jis ko kisī ke ġham se koī vāsta nahīñ hai

apnī tarah 'dharam' tum samjho na har kisī ko

andhe ko lag rahā koī dekhtā nahīñ hai

ek aap ke siwa koi ham-nawa nahin hai

daur-e-jahan mein koi ab aap sa nahin hai

chehre pe dagh hain gar sare dikhai denge

kya socha is jahan mein ab aaina nahin hai

jaana hai aasman par neki ko sath rakkho

ki dusra yahan koi rasta nahin hai

saqi mujhe faqat ab tera hi aasra hai

main rind hun mera ab koi saga nahin hai

us ko jahan se chahat kaise milegi bolo

jis ko kisi ke gham se koi wasta nahin hai

apni tarah 'dharam' tum samjho na har kisi ko

andhe ko lag raha koi dekhta nahin hai