ek ajab humne majra dekha

ik ajab ham ne mājrā dekhā

dard bardāsht se sivā dekhā

dil-e-be-chain ko kahāñ le jaa.eñ

ik jahāñ se use lagā dekhā

vaa.e aḳhtar ḳhudā ko bhuul ga.e

jab kahīñ koī aasrā dekhā

zahar-e-mahrūmī-e-masā chakkhā

qahr-e-masmūmī-e-sabā dekhā

koī ummīd hai to ġhairoñ se

bārhā ḳhud ko aazmā dekhā

phuul gulshan meñ mor jañgal meñ

sīm-e-sub.h-o-zar-e-masā dekhā

nigah-e-shoḳh-e-surma-sā dekhī

dast-e-sad turra-e-hinā dekhā

ne sahī gar vafā nahīñ dekhī

ham ne yaañ husn-e-be-panah dekhā

jis ne chāhā use ḳhudā chāhā

jis ne dekhā use ḳhudā dekhā

ek ajab hum ne majra dekha

dard bardasht se siwa dekha

dil-e-be-chain ko kahan le jaen

ek jahan se use laga dekha

wae aKHtar KHuda ko bhul gae

jab kahin koi aasra dekha

zahar-e-mahrumi-e-masa chakkha

qahr-e-masmumi-e-saba dekha

koi ummid hai to ghairon se

barha KHud ko aazma dekha

phul gulshan mein mor jangal mein

sim-e-subh-o-zar-e-masa dekha

nigah-e-shoKH-e-surma-sa dekhi

dast-e-sad turra-e-hina dekha

ne sahi gar wafa nahin dekhi

hum ne yan husn-e-be-panah dekha

jis ne chaha use KHuda chaha

jis ne dekha use KHuda dekha