ek ajnabi ko dil ne yagana bana liya

ik ajnabī ko dil ne yagāna banā liyā

bhūlī huī thī baat fasāna banā liyā

kyā intihā-e-shauq thī dīdār ke liye

har rahguzar ko apnā Thikāna banā liyā

qaul-o-qarār-o-rasm-e-vafā kuchh na kar sake

har baar us ne koī bahāna banā liyā

ai sham.a tere husn-e-tajalli kā hai kamāl

mushtāq-e-dīd ko bhī divāna banā liyā

yak-bārgī jo sāmnā un se kahīñ huā

thā husn-e-ittifāq bahāna banā liyā

dastūr is jahāñ kā nirālā hai dosto

dekhā ġharīb ko to nishāna banā liyā

'sādiq' bhī dāstān-e-vafā kyā bayāñ kareñ

karke baham ishāre fasāna banā liyā

ek ajnabi ko dil ne yagana bana liya

bhuli hui thi baat fasana bana liya

kya intiha-e-shauq thi didar ke liye

har rahguzar ko apna Thikana bana liya

qaul-o-qarar-o-rasm-e-wafa kuchh na kar sake

har bar us ne koi bahana bana liya

ai shama tere husn-e-tajalli ka hai kamal

mushtaq-e-did ko bhi diwana bana liya

yak-bargi jo samna un se kahin hua

tha husn-e-ittifaq bahana bana liya

dastur is jahan ka nirala hai dosto

dekha gharib ko to nishana bana liya

'sadiq' bhi dastan-e-wafa kya bayan karen

karke baham ishaare fasana bana liya