ek andhi dauD thi ukta gaya tha

ik andhī dauḌ thī uktā gayā thā

maiñ ḳhud hī saf se bāhar aa gayā thā

na dil bāzār meñ us kā lagā phir

jise ghar kā patā yaad aa gayā thā

faqat ab ret kī chādar bichhī hai

sunā hai us taraf dariyā gayā thā

usī ne raah dikhlā.ī jahāñ ko

jo apnī raah par tanhā gayā thā

mujhe jalnā paḌā majbūr ho kar

añdherā is qadar gahrā gayā thā

koī tasvīr ashkoñ se banā kar

fasīl-e-shahr par chipkā gayā thā

samajh āḳhir meñ aayā vāhima thā

jo kuchh ab tak sunā samjhā gayā thā

ek andhi dauD thi ukta gaya tha

main KHud hi saf se bahar aa gaya tha

na dil bazar mein us ka laga phir

jise ghar ka pata yaad aa gaya tha

faqat ab ret ki chadar bichhi hai

suna hai us taraf dariya gaya tha

usi ne rah dikhlai jahan ko

jo apni rah par tanha gaya tha

mujhe jalna paDa majbur ho kar

andhera is qadar gahra gaya tha

koi taswir ashkon se bana kar

fasil-e-shahr par chipka gaya tha

samajh aaKHir mein aaya wahima tha

jo kuchh ab tak suna samjha gaya tha