ek ashk sar-e-shoKHi-e-ruKHsar mein gum hai

ik ashk sar-e-shoḳhī-e-ruḳhsār meñ gum hai

ā.īna bhī us husn ke asrār meñ gum hai

koī to zamīñ zar kā pujārī hai mire dost

aur koī yahāñ apne hī ghar-bār meñ gum hai

apnoñ ke ravayyoñ ne jise toḌ diyā thā

vo shaḳhs kisī mahfil-e-aġhyār meñ gum hai

paayā to sikhā degā mujhe sho.ala-bayānī

vo harf jo us sīna-e-kohsār meñ ġham hai

kahtā hai tire sar kī safedī meñ chhupā dukh

ik shahr-e-butāñ vaqt kī dīvār meñ gum hai

kuchh dard numāyāñ hai kahānī meñ 'amīn' aur

kuchh dard abhī dast-e-qalam-kār meñ gum hai

ek ashk sar-e-shoKHi-e-ruKHsar mein gum hai

aaina bhi us husn ke asrar mein gum hai

koi to zamin zar ka pujari hai mere dost

aur koi yahan apne hi ghar-bar mein gum hai

apnon ke rawayyon ne jise toD diya tha

wo shaKHs kisi mahfil-e-aghyar mein gum hai

paya to sikha dega mujhe shoala-bayani

wo harf jo us sina-e-kohsar mein gham hai

kahta hai tere sar ki safedi mein chhupa dukh

ek shahr-e-butan waqt ki diwar mein gum hai

kuchh dard numayan hai kahani mein 'amin' aur

kuchh dard abhi dast-e-qalam-kar mein gum hai