ek bar jo bichhDe wo dobara nahin milta

ik baar jo bichhḌe vo dobāra nahīñ miltā

mil jaa.e koī shaḳhs to saarā nahīñ miltā

us kī bhī nikal aatī hai iz.hār kī sūrat

jis shaḳhs ko lafzoñ kā sahārā nahīñ miltā

phir Dūbnā ye baat bahut soch lo pahle

har laash ko dariyā kā kinārā nahīñ miltā

ye soch ke dil phir se hai āmāda-e-ulfat

har baar mohabbat meñ ḳhasāra nahīñ miltā

kyuuñ log bulā.eñge hameñ bazm-e-suḳhan meñ

apnā to kisī se bhī sitāra nahīñ miltā

vo shahr bhalā kaise lage apnā jahāñ par

ik shaḳhs bhī DhūñDe se hamārā nahīñ miltā

ek bar jo bichhDe wo dobara nahin milta

mil jae koi shaKHs to sara nahin milta

us ki bhi nikal aati hai izhaar ki surat

jis shaKHs ko lafzon ka sahaara nahin milta

phir Dubna ye baat bahut soch lo pahle

har lash ko dariya ka kinara nahin milta

ye soch ke dil phir se hai aamada-e-ulfat

har bar mohabbat mein KHasara nahin milta

kyun log bulaenge hamein bazm-e-suKHan mein

apna to kisi se bhi sitara nahin milta

wo shahr bhala kaise lage apna jahan par

ek shaKHs bhi DhunDe se hamara nahin milta