ek barf ka dariya andar tha

ik barf kā dariyā andar thā

dahkā huā sūraj sar par thā

nafrat ke sho.ale dahakte the

ik ḳhauf kā aalam ghar ghar thā

har dil meñ the ḳhadshāt ka.ī

har lamha dahshat-manzar thā

zāhir meñ lagtā thā mom kā vo

chhū kar dekhā to patthar thā

naġhme likhtā thā ashkoñ se

aisā bhī ek suḳhnavar thā

jo haar ko jiit banā detā

kyā koī aisā sikandar thā

hañstā rahtā thā vo ġham meñ

ġham kā vo shāyad ḳhūgar thā

ek barf ka dariya andar tha

dahka hua suraj sar par tha

nafrat ke shoale dahakte the

ek KHauf ka aalam ghar ghar tha

har dil mein the KHadshat kai

har lamha dahshat-manzar tha

zahir mein lagta tha mom ka wo

chhu kar dekha to patthar tha

naghme likhta tha ashkon se

aisa bhi ek suKHnawar tha

jo haar ko jit bana deta

kya koi aisa sikandar tha

hansta rahta tha wo gham mein

gham ka wo shayad KHugar tha