ik-baTa-do ko karun kyun na raqam do-baTa-chaar

ik-baTā-do ko karūñ kyuuñ na raqam do-baTā-chār

is ġhazal par hai qavāfī kā karam do-baTā-chār

sho.ala-e-gul se chaman meñ kahīñ lag jaa.e na aag

ab to shabnam bhī nazar aatī hai nam do-baTā-chār

kaun kahtā hai ki jañgal meñ nahīñ sher ko ġham

maiñ ne zaiġham meñ milā dekhā hai ġham do-baTā-chār

us ke siine se lage baiThe haiñ zaḳhmoñ ke sabab

dekho marham meñ nazar aate haiñ ham do-baTā-chār

qāsim-e-nār-o-jināñ kī hai mohabbat dil meñ

ho gayā hissa jahannum kā to nam do-baTā-chār

mausam-e-gul kī qasam khā na ḳhudārā bulbul

dekh mausam meñ milā rahtā hai sam do-baTā-chār

dil liye phirtā hai tasvīr-e-butāñ kā album

phaT na jaa.e ye kahīñ is meñ hai bam do-baTā-chār

sūrat-e-badr hilāl aa.ī nazar un kī jabīñ

zulfeñ lahrā.īñ haiñ khā khā ke jo ḳham do-baTā-chār

va.ade hamdam ke raheñ kyuuñ na adhūre ai 'vaqār'

is meñ lo ḳhud hī nazar aatā hai dam do-baTā-chār

ik-baTa-do ko karun kyun na raqam do-baTa-chaar

is ghazal par hai qawafi ka karam do-baTa-chaar

shoala-e-gul se chaman mein kahin lag jae na aag

ab to shabnam bhi nazar aati hai nam do-baTa-chaar

kaun kahta hai ki jangal mein nahin sher ko gham

main ne zaigham mein mila dekha hai gham do-baTa-chaar

us ke sine se lage baiThe hain zaKHmon ke sabab

dekho marham mein nazar aate hain hum do-baTa-chaar

qasim-e-nar-o-jinan ki hai mohabbat dil mein

ho gaya hissa jahannum ka to nam do-baTa-chaar

mausam-e-gul ki qasam kha na KHudara bulbul

dekh mausam mein mila rahta hai sam do-baTa-chaar

dil liye phirta hai taswir-e-butan ka album

phaT na jae ye kahin is mein hai bam do-baTa-chaar

surat-e-badr hilal aai nazar un ki jabin

zulfen lahrain hain kha kha ke jo KHam do-baTa-chaar

wade hamdam ke rahen kyun na adhure ai 'waqar'

is mein lo KHud hi nazar aata hai dam do-baTa-chaar