ek chadar-e-bosida main dosh pe rakhta hun

ik chādar-e-bosīda maiñ dosh pe rakhtā huuñ

aur daulat-e-duniyā ko pā-posh pe rakhtā huuñ

āñkhoñ ko Tikātā huuñ hañgāma-e-duniyā par

aur kaan suḳhan-hā-e-ḳhāmosh pe rakhtā huuñ

kaifiyyāt-e-be-ḳhabrī kyā chiiz hai kyā jānūñ

buniyād hī hone kī jab hosh pe rakhtā huuñ

meñ kaun huuñ azaloñ kī hairāniyāñ kyā boleñ

ik qarz hamesha kā maiñ gosh pe rakhtā huuñ

jo qarz kī mai pī kar tasḳhīr-e-suḳhan kar le

īmāñ usī dillī ke mai-e-nosh pe rakhtā huuñ

ek chadar-e-bosida main dosh pe rakhta hun

aur daulat-e-duniya ko pa-posh pe rakhta hun

aankhon ko Tikata hun hangama-e-duniya par

aur kan suKHan-ha-e-KHamosh pe rakhta hun

kaifiyyat-e-be-KHabri kya chiz hai kya jaanun

buniyaad hi hone ki jab hosh pe rakhta hun

mein kaun hun azalon ki hairaniyan kya bolen

ek qarz hamesha ka main gosh pe rakhta hun

jo qarz ki mai pi kar tasKHir-e-suKHan kar le

iman usi dilli ke mai-e-nosh pe rakhta hun