ek dard sab ke dard ka mazhar laga mujhe
ik dard sab ke dard kā maz.har lagā mujhe
dariyā samundaroñ kā shanāvar lagā mujhe
mujh ko ḳhalā ke paar se aatī hai ik sadā
ai rahrav-e-ḳhayāl zarā par lagā mujhe
ye aur baat maiñ ne khañgālā inheñ bahut
in pāniyoñ se Dar hai barābar lagā mujhe
zaḳhmī ufuq dhueñ kī kamand ūñghte daraḳht
manzar kī zad meñ aa ke baḌā Dar lagā mujhe
vo din kahāñ ki us ko sar-e-shām dekh luuñ
pichhle pahar kā chāñd muqaddar lagā mujhe
us kī jabīñ pe dekhā to 'sajjād' kyā kahūñ
dhabba bhī raushnī kā samundar lagā mujhe
ek dard sab ke dard ka mazhar laga mujhe
dariya samundaron ka shanawar laga mujhe
mujh ko KHala ke par se aati hai ek sada
ai rahraw-e-KHayal zara par laga mujhe
ye aur baat main ne khangala inhen bahut
in paniyon se Dar hai barabar laga mujhe
zaKHmi ufuq dhuen ki kamand unghte daraKHt
manzar ki zad mein aa ke baDa Dar laga mujhe
wo din kahan ki us ko sar-e-sham dekh lun
pichhle pahar ka chand muqaddar laga mujhe
us ki jabin pe dekha to 'sajjad' kya kahun
dhabba bhi raushni ka samundar laga mujhe
Source:
Dariche (Pg. 51)
- Author: Bashir Saifi
-
- Edition: 1975
- Publisher: Shakhsar Publishers
- Year of Publication: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
