ek etidal azal-ta-abad zaruri hai

ik e'tidāl azal-tā-abad zarūrī hai

har ek shai meñ tavāzun ashad zarūrī hai

agar bigāḌ na aa.e batāoge kyūñkar

har ik qubūl se pahle to rad zarūrī hai

vo zulm-o-jaur ho yā sabr-o-zabt jo bhī ho

miyāñ sabhī ke liye ek had zarūrī hai

guzārishāt pe bhī jab navāzishāt na hoñ

mutālibāt meñ tab shadd-o-mad zarūrī hai

vo sab ki jis kī zarūrat kabhī na samjhī ga.ī

hamāre daur meñ vo sad-ba-sad zarūrī hai

sabhī ke saath munāsib nahīñ hai ek sī baat

azīzo tafraqa-e-nek-o-bad zarūrī hai

jo chāhte ho ki fan par ho dastaras 'rāhī'

nigāh-e-naqd-o-shu.ūr-o-ḳhirad zarūrī hai

ek e'tidal azal-ta-abad zaruri hai

har ek shai mein tawazun ashad zaruri hai

agar bigaD na aae bataoge kyunkar

har ek qubul se pahle to rad zaruri hai

wo zulm-o-jaur ho ya sabr-o-zabt jo bhi ho

miyan sabhi ke liye ek had zaruri hai

guzarishat pe bhi jab nawazishat na hon

mutalibaat mein tab shadd-o-mad zaruri hai

wo sab ki jis ki zarurat kabhi na samjhi gai

hamare daur mein wo sad-ba-sad zaruri hai

sabhi ke sath munasib nahin hai ek si baat

azizo tafraqa-e-nek-o-bad zaruri hai

jo chahte ho ki fan par ho dastaras 'rahi'

nigah-e-naqd-o-shuur-o-KHirad zaruri hai