ek faqat sahil talak aata hun main
ik faqat sāhil talak aatā huuñ maiñ
rau meñ jaane kaise bah jaatā huuñ maiñ
manziloñ kī justujū meñ bār-hā
manziloñ se aage baḌh jaatā huuñ maiñ
bhāgtā huuñ raat jis jañgal se duur
sub.h usī ko sāmne paatā huuñ maiñ
kis ufuq meñ dafn ho jaatā hai din
har shab is uljhan ko suljhātā huuñ maiñ
mar gayā jo shaḳhs mujh meñ us kā roz
pattharoñ par naam khudvātā huuñ maiñ
qufl-e-abjad huuñ bas ik tartīb se
kholne vaalā ho khul jaatā huuñ maiñ
baar baar is shahr ko 'betāb' kyuuñ
bā-dil-e-nā-ḳhvāsta jaatā huuñ maiñ
ek faqat sahil talak aata hun main
rau mein jaane kaise bah jata hun main
manzilon ki justuju mein bar-ha
manzilon se aage baDh jata hun main
bhagta hun raat jis jangal se dur
subh usi ko samne pata hun main
kis ufuq mein dafn ho jata hai din
har shab is uljhan ko suljhata hun main
mar gaya jo shaKHs mujh mein us ka roz
pattharon par nam khudwata hun main
qufl-e-abjad hun bas ek tartib se
kholne wala ho khul jata hun main
bar bar is shahr ko 'betab' kyun
ba-dil-e-na-KHwasta jata hun main
Source:
Falak Aasaar (Pg. 67)
- Author: Pritpal Singh Betab
-
- Edition: 2013
- Publisher: Sarsabz Publications (H.P.)
- Year of Publication: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
