ek gahri chup andar andar ruh mein utri jae

ik gahrī chup andar andar ruuh meñ utrī jaa.e

lā-fānī ho jā.ūñ ye ḳhvāhish pal pal baḌhtī jaa.e

ye patthar sī tanhā.ī ye bhārī bojhal raat

jaane kaisā bojh hai dil par nas nas TuuTī jaa.e

ek nayā an-dekhā manzar mujh se kare kalām

ek na.ī an-jānī ḳhushbū mujh se lipTī jaa.e

us kā saath ik uljhī Dor hai bhāgte lamhoñ kī

jitnā suljhā.ūñ maiñ us ko utnā ulajhtī jaa.e

saare naqsh tamannāoñ ke raushan hote jaa.eñ

khiḌkī meñ us kī parchhā.īñ gahrī hotī jaa.e

'ramz' adhūre ḳhvāboñ kī ye ghaTtī baḌhtī chhāñv

tum se dekhī jaa.e to dekho mujh se na dekhī jaa.e

ek gahri chup andar andar ruh mein utri jae

la-fani ho jaun ye KHwahish pal pal baDhti jae

ye patthar si tanhai ye bhaari bojhal raat

jaane kaisa bojh hai dil par nas nas TuTi jae

ek naya an-dekha manzar mujh se kare kalam

ek nai an-jaani KHushbu mujh se lipTi jae

us ka sath ek uljhi Dor hai bhagte lamhon ki

jitna suljhaun main us ko utna ulajhti jae

sare naqsh tamannaon ke raushan hote jaen

khiDki mein us ki parchhain gahri hoti jae

'ramz' adhure KHwabon ki ye ghaTti baDhti chhanw

tum se dekhi jae to dekho mujh se na dekhi jae