ek guzarish hai bas itna kijiye

Mazhar Imam

ek guzarish hai bas itna kijiye

Mazhar Imam

MORE BY Mazhar Imam

    ik guzārish hai bas itnā kījiye

    jab kabhī fursat ho aayā kījiye

    log is bhī ġhalat matlab na leñ

    ajnabiyyat se na dekhā kījiye

    ḳhud ko apnī aañkh se dekhā to hai

    ab mirī āñkhoñ se dekhā kījiye

    iltijā thī ek saada iltijā

    apnī tanhā.ī meñ sochā kījiye

    yaad to hogī vo apnī be-ruḳhī

    ab mirī tasvīr dekhā kījiye

    marham-e-zaḳhm-e-suḳhan ban jā.iye

    kuchh mire fan mudāvā kījiye

    ishq ko kab yaad thī rasm-e-vafā

    husn kis muñh se shikvā kījiye

    zulmat-e-ġham jab ziyāda ho 'imām'

    sham-e-fikr-o-fan jalāyā kījiye

    ek guzarish hai bas itna kijiye

    jab kabhi fursat ho aaya kijiye

    log is ka bhi ghalat matlab na len

    ajnabiyyat se na dekha kijiye

    KHud ko apni aankh se dekha to hai

    ab meri aankhon se dekha kijiye

    iltija thi ek sada iltija

    apni tanhai mein socha kijiye

    yaad to hogi wo apni be-ruKHi

    ab meri taswir dekha kijiye

    marham-e-zaKHm-e-suKHan ban jaiye

    kuchh mere fan ka mudawa kijiye

    ishq ko kab yaad thi rasm-e-wafa

    husn ka kis munh se shikwa kijiye

    zulmat-e-gham jab ziyaada ho 'imam'

    sham-e-fikr-o-fan jalaya kijiye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites