ek hum ki un ke waste mahw-e-fughan rahe

ik ham ki un ke vāste mahv-e-fuġhāñ rahe

ik vo ki dast-e-shauq se dāman-kashāñ rahe

dil meñ yahī ḳhalish rahe soz-e-nihāñ rahe

lekin mazāq-e-ishq-o-mohabbat javāñ rahe

ik vaqt thā ki dil ko sukūñ kī talāsh thī

aur ab ye aarzū hai ki dard-e-nihāñ rahe

ahl-e-vafā par aa.iiñ hazāroñ musībateñ

ye sab rahīn-e-gardish-e-haft-āsmāñ rahe

un kā shabāb har gul-e-nauras se phaT paḌā

chhupne ke bāvajūd vo har sū ayaañ rahe

ham ne hazār tarah kiyā un ko mutma.in

har baat par vo ham se magar bad-gumāñ rahe

allāh re talḳh-kāmi-e-ulfat kī intihā

mujh se mire 'azīz' bhī dāman-kashāñ rahe

ek hum ki un ke waste mahw-e-fughan rahe

ek wo ki dast-e-shauq se daman-kashan rahe

dil mein yahi KHalish rahe soz-e-nihan rahe

lekin mazaq-e-ishq-o-mohabbat jawan rahe

ek waqt tha ki dil ko sukun ki talash thi

aur ab ye aarzu hai ki dard-e-nihan rahe

ahl-e-wafa par aain hazaron musibaten

ye sab rahin-e-gardish-e-haft-asman rahe

un ka shabab har gul-e-nauras se phaT paDa

chhupne ke bawajud wo har su ayan rahe

hum ne hazar tarah kiya un ko mutmain

har baat par wo hum se magar bad-guman rahe

allah re talKH-kaami-e-ulfat ki intiha

mujh se mere 'aziz' bhi daman-kashan rahe