ek hawa sa mere sine se mera yar gaya

ik havā sā mire siine se mirā yaar gayā

zinda karne mujhe aayā thā magar maar gayā

ab to ye jism bhī jaatā nazar aatā hai mujhe

ishq ab chhoḌ mirī jaan ki maiñ haar gayā

iiñT gaare kā bas ek Dher banā baiThā huuñ

zer-e-ta.amīr mujhe chhoḌ ke me.amār gayā

ghar ko vāpas kabhī jaatā nahīñ dekhā gayā vo

sab ne jis shaḳhs ko dekhā thā ki bāzār gayā

rāste meñ kahīñ niiñd aa ga.ī hogī shāyad

is safar meñ to mirā dīda-e-bedār gayā

aaj ik husn ne bheje the sipāhī apne

farhat-ehsās mohabbat meñ giraftār gayā

ek hawa sa mere sine se mera yar gaya

zinda karne mujhe aaya tha magar mar gaya

ab to ye jism bhi jata nazar aata hai mujhe

ishq ab chhoD meri jaan ki main haar gaya

inT gare ka bas ek Dher bana baiTha hun

zer-e-tamir mujhe chhoD ke meamar gaya

ghar ko wapas kabhi jata nahin dekha gaya wo

sab ne jis shaKHs ko dekha tha ki bazar gaya

raste mein kahin nind aa gai hogi shayad

is safar mein to mera dida-e-bedar gaya

aaj ek husn ne bheje the sipahi apne

farhat-ehsas mohabbat mein giraftar gaya