ek jahan-zad chalta bana chhoD kar ai hasan-kuza-gar

ik jahāñ-zād chaltā banā chhoḌ kar ai hasan-kūzā-gar

ham khaḌe rah ga.e misl-e-dīvār-o-dar ai hasan-kūzā-gar

ham ko 'attār yūsuf ne bulvāyā thā ḳhuub samjhāyā thā

dil pe lekin rahī guftugū be-asar ai hasan-kūzā-gar

terī kūza-garī bhī huī rā.egāñ 'ishq bhī be-amāñ

apnā kār-e-junūñ bhī lagā daav par ai hasan-kūzā-gar

lamha lamha pukārā magar chup rahī soḳhta-baḳht bhī

āb-o-gil kī tarah ḳhaak thī ḳhaak par ai hasan-kūzā-gar

ai hasan-kūzā-gar dekh tū ik nazar ham hue mo'tabar

koī bhī saath apnā nahīñ hai magar ai hasan-kūzā-gar

terā ‘shahbāz-nayyar' jo ham-zād thā kaisā āzād thā

vaqt ne us ko bhī rakh diyā chaak par ai hasan-kūzā-gar

ek jahan-zad chalta bana chhoD kar ai hasan-kuza-gar

hum khaDe rah gae misl-e-diwar-o-dar ai hasan-kuza-gar

hum ko 'attar yusuf ne bulwaya tha KHub samjhaya tha

dil pe lekin rahi guftugu be-asar ai hasan-kuza-gar

teri kuza-gari bhi hui raegan 'ishq bhi be-aman

apna kar-e-junun bhi laga daw par ai hasan-kuza-gar

lamha lamha pukara magar chup rahi soKHta-baKHt bhi

aab-o-gil ki tarah KHak thi KHak par ai hasan-kuza-gar

ai hasan-kuza-gar dekh tu ek nazar hum hue mo'tabar

koi bhi sath apna nahin hai magar ai hasan-kuza-gar

tera ‘shahbaz-nayyar' jo ham-zad tha kaisa aazad tha

waqt ne us ko bhi rakh diya chaak par ai hasan-kuza-gar