ik karb se vo navāz rakkhe
jag se mujhe be-niyāz rakkhe
āmoḳhta-e-jamāl hai dil
dar-shakl niyāz-e-nāz rakkhe
har shaḳhs kī chashm dīdanī thī
hāthoñ se jab us ne saaz rakkhe
paañv ke tale raheñ shahāñ bhī
suulī mujhe sarfarāz rakkhe
har samt mukālimāt-e-bāzār
kyoñ saath koī bayāz rakkhe
kyā baaġh ki ho sarāb jis meñ
kyā husn jo kuchh majāz rakkhe
ḳhas the pe qadam meñ sarv ke the
so kuchh to sabā lihāz rakkhe
ḳhushbū meñ suḳhan kare hai vo gul
kaise koī us kā raaz rakkhe
ek karb se wo nawaz rakkhe
jag se mujhe be-niyaz rakkhe
aamoKHta-e-jamal hai dil
dar-shakl niyaz-e-naz rakkhe
har shaKHs ki chashm didani thi
hathon se jab us ne saz rakkhe
panw ke tale rahen shahan bhi
suli mujhe sarfaraaz rakkhe
har samt mukalimat-e-bazar
kyon sath koi bayaz rakkhe
kya bagh ki ho sarab jis mein
kya husn jo kuchh majaz rakkhe
KHas the pe qadam mein sarw ke the
so kuchh to saba lihaz rakkhe
KHushbu mein suKHan kare hai wo gul
kaise koi us ka raaz rakkhe
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
