ek ke baad ek aziyyat ke salasil mein paDa

ik ke baa'd ek aziyyat ke salāsil meñ paḌā

haa.e kyūñkar maiñ mohabbat ke masā.il meñ paḌā

aisā vīrān thā siina ki nikalne ko thī jaan

aur phir mere sanam terā qadam dil meñ paḌā

dard hī dard hameñ de ke gayā hai yā-rab

sābiqa jis se bhī tujh dahr kī mahfil meñ paḌā

aks vo hai ki jo mahtāb ke ruḳh meñ jhamke

us kā kyā hove kavākib kī jo jhilmil meñ paḌā

ishq kī raah pe avval to chalā koī nahīñ

chal paḌā jo milā murda rah-e-manzil meñ paḌā

din dikheñge nahīñ ḳhushiyoñ ke kabhī mujh ko 'azīz'

aks mujh ġham kā hai ik dīda-e-qātil meñ paḌā

ek ke ba'd ek aziyyat ke salasil mein paDa

hae kyunkar main mohabbat ke masail mein paDa

aisa viran tha sina ki nikalne ko thi jaan

aur phir mere sanam tera qadam dil mein paDa

dard hi dard hamein de ke gaya hai ya-rab

sabiqa jis se bhi tujh dahr ki mahfil mein paDa

aks wo hai ki jo mahtab ke ruKH mein jhamke

us ka kya howe kawakib ki jo jhilmil mein paDa

ishq ki rah pe awwal to chala koi nahin

chal paDa jo mila murda rah-e-manzil mein paDa

din dikhenge nahin KHushiyon ke kabhi mujh ko 'aziz'

aks mujh gham ka hai ek dida-e-qatil mein paDa