ek KHwab se guzar kar ek be-KHudi se ho kar

ik ḳhvāb se guzar kar ik be-ḳhudī se ho kar

ḳhud se nikal gayā huuñ us kī galī se ho kar

zanjīr paañv meñ thī chakkar thā mere sar meñ

chaltā chalā gayā huuñ kis zindagī se ho kar

ik dard mere dil par dastak sī de rahā thā

ik ġham nikal rahā thā merī ḳhushī se ho kar

TukḌoñ meñ baT gayā huuñ andar se kaT gayā huuñ

maiñ kis junūñ meñ paḌ kar kis āgahī se ho kar

siine pe paañv rakh kar chaltī hai mere duniyā

jaise nikal rahe hoñ raste mujhī se ho kar

lahrā rahe haiñ kyā kyā saa.e se apne sar meñ

ye ham guzar rahe haiñ kis raushnī se ho kar

aanā hamārā kyā hai honā hamārā kyā hai

lekin ham aa ga.e haiñ terī ḳhushī se ho kar

ek KHwab se guzar kar ek be-KHudi se ho kar

KHud se nikal gaya hun us ki gali se ho kar

zanjir panw mein thi chakkar tha mere sar mein

chalta chala gaya hun kis zindagi se ho kar

ek dard mere dil par dastak si de raha tha

ek gham nikal raha tha meri KHushi se ho kar

TukDon mein baT gaya hun andar se kaT gaya hun

main kis junun mein paD kar kis aagahi se ho kar

sine pe panw rakh kar chalti hai mere duniya

jaise nikal rahe hon raste mujhi se ho kar

lahra rahe hain kya kya sae se apne sar mein

ye hum guzar rahe hain kis raushni se ho kar

aana hamara kya hai hona hamara kya hai

lekin hum aa gae hain teri KHushi se ho kar