ek KHwab tha aankhon mein jo ab ashk-e-sahar hai

ik ḳhvāb thā āñkhoñ meñ jo ab ashk-e-sahar hai

ik tā.ir-e-vahshī thā so vo ḳhuun meñ tar hai

vo duur nahīñ hai ye rasā.ī nahīñ hotī

har lamha koī taaza ḳham-e-rāhguzar hai

dil aaj kuchh is tarah dhaḌaktā hai ki jaise

ab shauq-e-mulāqāt pe haavī koī Dar hai

kuchh hausla-e-zabt hai kuchh vaz.a hai apnī

sho.ala na banā lab pe jo siine meñ sharar hai

sunte to rahe sab kī ye hasrat rahī dil meñ

ham par bhī khule ziist kā mafhūm agar hai

tārāj bahārāñ hai ki ik jashn-e-junūñ hai

raqsāñ haiñ bagūle ki havā ḳhāk-basar hai

āshufta kiyā itnā 'ziyā' dar-ba-darī ne

bāvar nahīñ aatā ki hamārā koī ghar hai

ek KHwab tha aankhon mein jo ab ashk-e-sahar hai

ek tair-e-wahshi tha so wo KHun mein tar hai

wo dur nahin hai ye rasai nahin hoti

har lamha koi taza KHam-e-rahguzar hai

dil aaj kuchh is tarah dhaDakta hai ki jaise

ab shauq-e-mulaqat pe hawi koi Dar hai

kuchh hausla-e-zabt hai kuchh waza hai apni

shoala na bana lab pe jo sine mein sharar hai

sunte to rahe sab ki ye hasrat rahi dil mein

hum par bhi khule zist ka mafhum agar hai

taraj bahaaran hai ki ek jashn-e-junun hai

raqsan hain bagule ki hawa KHak-basar hai

aashufta kiya itna 'ziya' dar-ba-dari ne

bawar nahin aata ki hamara koi ghar hai