ek lamha be-KHabar na rahe teri rah se

ik lamha be-ḳhabar na rahe terī raah se

dete rahe sadā.eñ tujhe ham nigāh se

mauqa-parast ġham ne kiyā dil ko tār-tār

ik pal rahā huuñ duur jo terī panāh se

sīdhī sapāT raah pe chal kar na kuchh milā

paa.e haiñ tajrabāt-o-hunar TeḌhī raah se

manzil kā rāh-e-saḳht se sīdhā hai rābta

ġham bhī kahāñ hai duur ḳhushī kī panāh se

gar jhuuT bhī kahā hai to sach ke bachāo meñ

ham ne savāb yuuñ bhī kamāyā gunāh se

bujhne diyā na ashkoñ se ġham kā diyā kabhī

raushan rakhā hai ishq ko garmī-e-āh se

ek lamha be-KHabar na rahe teri rah se

dete rahe sadaen tujhe hum nigah se

mauqa-parast gham ne kiya dil ko tar-tar

ek pal raha hun dur jo teri panah se

sidhi sapaT rah pe chal kar na kuchh mila

pae hain tajrabaat-o-hunar TeDhi rah se

manzil ka rah-e-saKHt se sidha hai rabta

gham bhi kahan hai dur KHushi ki panah se

gar jhuT bhi kaha hai to sach ke bachao mein

hum ne sawab yun bhi kamaya gunah se

bujhne diya na ashkon se gham ka diya kabhi

raushan rakha hai ishq ko garmi-e-ah se