ek musalsal gham ka saman hai jahan rahta hun main

ik musalsal ġham kā sāmāñ hai jahāñ rahtā huuñ maiñ

fikr hairāñ dil pareshāñ hai jahāñ rahtā huuñ maiñ

apne shānoñ par uThā ke apne armānoñ kī laash

bad-tar-az-haivān insāñ hai jahāñ rahtā huuñ maiñ

ik musalsal kashmakash dair-o-haram ke darmiyāñ

har-nafas mahbūs-3xirfāñ hai jahāñ rahtā huuñ

fan barā.e fan ta.ayyush ke liye maḳhsūs hai

shā.erī said-e-ġhazālāñ hai jahāñ rahtā huuñ maiñ

husn kī zardār ke hāthoñ huī miTTī ḳharāb

ishq said-e-ranj-e-daurāñ hai jahāñ rahtā huuñ maiñ

ishrateñ ghabrā rahī haiñ paas aane ko mire

nik.hatoñ kā ek tūfāñ hai jahāñ rahtā huuñ maiñ

adh-khilī kaliyāñ shagūfe muzmahil afsurda gul

ik ḳhizāñ tā-hadd-e-imkāñ hai jahāñ rahtā huuñ maiñ

kyoñ mirī bechārgī par hañs rahā hai ik jahāñ

kyoñ ḳhudā mujh se gurezāñ hai jahāñ rahtā huuñ maiñ

ek musalsal gham ka saman hai jahan rahta hun main

fikr hairan dil pareshan hai jahan rahta hun main

apne shanon par uTha ke apne armanon ki lash

bad-tar-az-haiwan insan hai jahan rahta hun main

ek musalsal kashmakash dair-o-haram ke darmiyan

har-nafas mahbus-3xirfan hai jahan rahta hun

fan barae fan tayyush ke liye maKHsus hai

shaeri said-e-ghazalan hai jahan rahta hun main

husn ki zardar ke hathon hui miTTi KHarab

ishq said-e-ranj-e-dauran hai jahan rahta hun main

ishraten ghabra rahi hain pas aane ko mere

nikhaton ka ek tufan hai jahan rahta hun main

adh-khili kaliyan shagufe muzmahil afsurda gul

ek KHizan ta-hadd-e-imkan hai jahan rahta hun main

kyon meri bechaargi par hans raha hai ek jahan

kyon KHuda mujh se gurezan hai jahan rahta hun main